ကဖင်းဓာတ်ဟာ ကျွန်တော်တို့ရဲ့ နေ့စဉ်ဘဝမှာ မရှိမဖြစ်လိုအပ်တဲ့ အာဟာရဓာတ်တစ်ခုလိုတောင် ဖြစ်နေပါပြီ။ မနက်တိုင်း မနက်တိုင်းမှာ ကော်ဖီပူပူလေးတစ်ခွက် သောက်လိုက်ရမှ ကျန်တာတွေ ဆက်လုပ်နိုင်တဲ့သူတွေလည်း ဒုနဲ့ဒေးပါ။ ဘာပဲပြောပြော ကော်ဖီပူပူလေးတစ်ခွက်လောက် ကောင်းတဲ့ နှိုးစက်နာရီ ဘယ်မှာရှိဦးမလဲ။ ကော်ဖီမှာ ဦးနှောက်အာရုံကြောရောဂါတွေကို ကာကွယ်ပေးနိုင်တာလိုမျိုး ကျန်းမာရေးအကျိုးကျေးဇူးတွေ အများကြီးရှိတာကိုတော့ သိထားပြီးဖြစ်မှာပါ။ ဒါပေမယ့် ကော်ဖီနဲ့ပတ်သက်ပြီး သတိထားစရာတစ်ခုကတော့ ရှိနေပါသေးတယ်။
အဲဒါကတော့ ကော်ဖီကို ဗိုက်ထဲမှာ (အစာအိမ်ထဲမှာ) ဘာမှမရှိဘဲ တန်းမသောက်ဖို့ပါပဲ။ ဘာလို့လဲဆိုတော့ ကော်ဖီမှာ အစာခြေအင်္ဂါ အဖွဲ့အစည်းအပေါ် ကြီးမားတဲ့ သက်ရောက်မှုတစ်ခု ရှိနေစေနိုင်လို့ပါပဲ။ မနက်မိုးလင်း ဗိုက်ထဲမှာ ဘာမှမရှိသေးခင်မှာ ကော်ဖီတစ်ခွက် ကောက်မော့လိုက်တာက အစာအိမ်ထဲမှာ အက်ဆစ်ထွက်လာစေဖို့ကို လှုံ့ဆော်ပေးပြီး အဲဒီအက်ဆစ်တွေဟာ အစာအိမ်လမ်းကြောင်းကို ထိခိုက်စေပြီးတော့ အစာမကြေခြင်း၊ ရင်ဘတ်အောင့်ခြင်းတို့ကို ဖြစ်စေပါတယ်။ ကဖင်းဓာတ်ထုတ်ထားတဲ့ ကော်ဖီတွေဆိုရင်လည်း တူတူပါပဲ။
ဒီတစ်ခုတည်း မဟုတ်သေးပါဘူး။ ဗိုက်ထဲမှာ အစာမရှိဘဲ ကော်ဖီသောက်ခြင်းဖြင့် ခြေတွေလက်တွေ တုန်လာမယ်၊ ကတုန်ကရင် ဖြစ်လာမယ်၊ နောက် တခြားဘေးထွက်ဆိုးကျိုးတွေလည်း ဖြစ်လာနိုင်ပါတယ်။ ဒါ့အပြင် နှလုံးခုန်မြန်ခြင်း၊ စိတ်ဂနာမငြိမ်ဖြစ်ခြင်းနဲ့ အာရုံစူးစိုက်ရ ခက်ခဲခြင်းတွေကိုလည်း ဖြစ်စေနိုင်ပါတယ်။
နောက်တစ်ခုကတော့ မနက်မိုးလင်းတာနဲ့ ကော်ဖီတစ်ငုံ ငုံလိုက်ခြင်းဟာ ခန္ဓာကိုယ်တွင်း ဇီဝနာရီကိုလည်း မတည်မငြိမ် ဖြစ်စေနိုင်ပါတယ်။ ကိုယ်တွင်းဇီဝနာရီဟာ ကော်တစ်ဆောလ်လို့ခေါ်တဲ့ ဟော်မုန်းတစ်မျိုးကို အိပ်ယာနိုးချိန်မှာ ထုတ်လွှတ်ပေးလေ့ ရှိပါတယ်။ အဲဒီဟော်မုန်းဟာ လူကို လန်းဆန်းအားပြည့်စေပါတယ်။
သုတေသနတွေအရတော့ ကော်ဖီသောက်ခြင်းဟာ ကော်တစ်ဆောလ် ပမာဏကို လျော့နည်းစေပါတယ်တဲ့။ အကျိုးဆက်အနေနဲ့ ကော်ဖီသောက်လို့ မလန်းဆန်းဘဲ ကော်ဖီသောက်လို့ ပိုမိုလေးလံထိုင်းမှိုင်း စေနိုင်ပါတယ်။
နောက်တစ်ခုရှိတာကတော့ တချို့လူတွေဟာ မနက်မိုးလင်း မျက်လုံးနှစ်လုံး ပွင့်တာနဲ့ ကော်ဖီသောက်တတ်ပေမယ့် ဘာမှ မဖြစ်တာလည်း ရှိပါတယ်။ ဒါကတော့ မျိုးရိုးဗီဇနဲ့ ခံနိုင်ရည် မြင့်မားတဲ့ သူတွေ ဖြစ်နိုင်ပါတယ်။ ဒါပေမယ့် တချို့လူတွေမှာတော့ ဖော်ပြပါ ကျန်းမာရေးဆိုးကျိုးတွေ ရှိနိုင်တဲ့အတွက် ကော်ဖီကို မနက်လင်းလင်းချင်း မသောက်သင့်ပါဘူး။ သောက်ချင်ရင် မနက်စာစားပြီးမှ သောက်သုံးသင့်ပါတယ်။
ှသကမခနါ်ျွနေိနမဒျီငါနျအ
